Biełarusam mohuć dazvolić adkryvać rachunki ŭ zamiežnych bankach z 1 sakavika
Biełarusam mohuć dazvolić svabodna adkryvać biahučyja rachunki ŭ zamiežnych bankach z 1 sakavika 2019 hoda. Heta praduhledžana źmienami ŭ zakanadaŭstva, jakija znachodziacca ŭ raspracoŭcy, paviedamiŭ siońnia žurnalistam namieśnik staršyni praŭleńnia Nacbanka Siarhiej Kalečyc, piša BiełTA.
Adpaviednyja źmieny uniasuć u rašeńnie Nacbanka, jakoje rehuluje hetaje pytańnie, ciapier dakumient prachodzić rehistracyju ŭ Ministerstvie justycyi. «Hetym rašeńniem praduhledžvajecca, što z 1 sakavika našy hramadzianie atrymajuć mahčymaść zusim svabodna (biez atrymańnia dazvołu Nacbanka) adkryvać biahučyja rachunki ŭ zamiežnych bankach», - adznačyŭ Siarhiej Kalečyc.
Namieśnik staršyni praŭleńnia Nacbanka źviarnuŭ uvahu, što zabaronu płanujuć źniać mienavita na adkryćcio biahučych rachunkaŭ, a kab adkryć depazit, pryjdziecca atrymlivać dazvoł.
U dakumiencie jość i šerah inšych navacyj, u tym liku ŭ płanie dedałaryzacyi. Padrabiaznyja tłumačeńni ab navinkach buduć raźmieščany na sajcie Nacbanka.