U ZŠA sakretnych ahientaŭ na samalotach pačnuć sadzić u chvost, kab jany lepš bačyli pasažyraŭ
Amierykanskaja słužba pavietranych maršałaŭ pačnie pierasadžvać svaich ahientaŭ bližej da chvastavoj častki samalota, kab lepš bačyć inšych pasažyraŭ, raspaviali ABC krynicy, znajomyja z płanami Administracyi transpartnaj biaśpieki. Novy rehłamient, jak śćviardžajecca, ustupić u siłu z 28 śniežnia.
Da hetaha času maršały zajmali miescy bližej da nasavoj častki, bo ich asnoŭnaj zadačaj było praduchilić zachop kabiny piłotaŭ. Novaja rassadka pavinna dapamahčy ŭ nazirańni za pasažyrami, kab praduchilić mahčymy terakt.
Pradstaŭnica administracyi Dženi Bierk skazała telekanału, što viedamstva «praciahvaje aptymizavać rabotu pa biaśpiecy», admoviŭšysia paćvierdzić novuju schiemu rassadžvańnia.