U Zasłaŭi na rynku prapała 81-hadovaja žančyna
Milicyja Minskaha rajona i pošukava-vyratavalny atrad «Anioł» šukajuć 81-hadovuju Zinaidu Badun. Žančyna 22 śniežnia kala 16.00 źnikła na rynku horada Zasłaŭje, piša mlyn.by.
Administratar PSO «Anioł» Julija Koŭhan raspaviała, što žančyna žyvie ŭ Zasłaŭi na vulicy Savieckaj. Ustanoŭlena, što 22 śniežnia ŭ 16.00 jana była na rynku, adkul pajšła ŭ nieviadomym kirunku.
Jak miarkujecca, u hety ž dzień kala 19.00 piensijanierku bačyli ŭ horadzie kala budynka paštovaha adździaleńnia. Na dadzieny momant jaje miescaznachodžańnie nieviadoma.