Biełarus praź miažu pieravoziŭ z Ukrainy $25 tysiač biez dekłaravańnia. Častku hrošaj kanfiskavali
Hramadzianin Biełarusi jechaŭ z Ukrainy na lehkavym aŭtamabili Shrysler praz punkt propusku «Makrany». Dla pierasiačeńnia mytnaj miažy jon abraŭ «zialony» kalidor, zajaviŭšy tym samym, nie maje pry sabie tavaraŭ, jakija padlahajuć dekłaravańniu. Adnak pry praviadzieńni mytnych apieracyj u hramadzianina było vyjaŭlena kala 25 tysiač dalaraŭ ZŠA ŭ ekvivalencie, pieradaje sajt «Mytnyja orhany Respubliki Biełaruś».
Bujnaja suma valuty padlahała abaviazkovamu mytnamu dekłaravańniu. U dačynieńni da parušalnika składzieny pratakoł ab administracyjnym pravaparušeńni. Valuta, jakaja padlahała dekłaravańniu, kala 15 tys. dalaraŭ ZŠA, kanfiskavana da rašeńnia suda.