Kievin Spejsi zapisaŭ intryhoŭny videazvarot — upieršyniu paśla skandału z damahalnictvami
Amierykanski akcior Kievin Spejsi ŭpieršyniu paśla abvinavačvańniaŭ u seksualnych damahalnictvach apublikavaŭ videazvarot na jutubie. U im Kievin u vobrazie svajho hieroja ź sieryjała «Kartačny domik» Frenka Andervuda.
«Viadoma, jany sprabavali razłučyć nas, ale toje, što jość pamiž nami, zanadta tryvałaje. U rešcie rešt, my dzialilisia ŭsim adno z adnym. Ja raspaviadaŭ vam pra svaje samyja patajemnyja sakrety. Ja pakazaŭ vam, na što ludzi hatovyja. Ja šakavaŭ vas svajoj sumlennaściu, ale čaściej za ŭsio ja kidaŭ vam vyklik. I prymušaŭ dumać. I vy vieryli mnie, choć dapuskali, što hetaha rabić nie varta», — kaža Spejsi.
Akcior upeŭnieny, što hledačy čakajuć jaho viartańnia.
«I ja viedaju, čaho vy chočacie. Vy chočacie, kab ja viarnuŭsia. Viadoma, niekatoryja vierać usiamu i čakajuć, kali ja pakajusia, i ŭpeŭnienyja, što ja atrymaŭ pa zasłuhach. Ale ž vy nie pavierycie ŭsiamu biez dokazaŭ?»- praciahvaje akcior.
«Niahledziačy na ŭsiu hetuju łuchtu, varožaść, hučnyja zahałoŭki, abjavu impičmientu biez suda. Niahledziačy ni na što — navat na maju ŭłasnuju śmierć, ja adčuvaju siabie nadziva dobra. Z kožnym dniom maja ŭpeŭnienaść u tym, što chutka vy daviedajeciesia ŭsiu praŭdu, raście. Čakajcie… Ź inšaha boku, kali padumać, vy ž tak i nie bačyli momantu majoj śmierci, ci nie praŭda? Vysnovy mohuć być pamyłkovymi. Zasumavali pa mnie?» — intryhuje Spejsi.