Piaskoŭ adkazaŭ na admovu Łukašenki nazyvać Rasiju brackaj dziaržavaj
Pamiž Maskvoj i Minskam «asablivyja sajuźnickija adnosiny». Pra heta, jak paviedamlaje karespandent RBK, zajaviŭ pres-sakratar prezidenta Rasii Dźmitryj Piaskoŭ, kamientujučy słovy Alaksandra Łukašenki pra toje, što Rasija pierastała ličyć Biełaruś brackim narodam.
«Tut nie treba vydzirać z kantekstu. Ja nie dumaju, što ci ŭ Maskvie, ci ŭ Minsku znojdziecca choć chtości, chto budzie asprečvać de jure ci de fakta najaŭnaść asablivych sajuźnickich adnosin», — skazaŭ Piaskoŭ.
Napiaredadni Łukašenka prapanavaŭ nie nazyvać Rasiju brackaj dziaržavaj, tamu što adnosiny dźviuch krain stali ŭsprymacca pa-inšamu.
Taksama Piaskoŭ prakamientavaŭ žadańnie Biełarusi atrymać kampiensacyju za padatkovy manieŭr u naftavaj śfiery. Jon adznačyŭ, što hetaja tema budzie abmiarkoŭvacca na sustrečy lidaraŭ dźviuch krain u Maskvie 25 śniežnia.
«My viedajem, što hetaje pytańnie dosyć vostraje, jano vostra stavicca našymi biełaruskimi kalehami i biełaruskimi partniorami. Pytańnie i raniej abmiarkoŭvałasia. U dadzienym vypadku dyskusii praciahnucca», — zajaviŭ pradstaŭnik Kramla.