Chłopiec skazaŭ cikaŭnym milicyjantam, što niasie ŭ sumkach nasvaj — i skazaŭ praŭdu
U ahraharadku Uryckaje supracoŭniki milicyi 22 śniežnia złavili mužčynu z bujnoj partyjaj nasvaja, paviedamlaje uvd.gomel.by.
Supracoŭniki patrulna-pastavoj słužby Homielskaha RAUS uviečary patrulavali vulicy ahraharadka. U pačatku dziasiataj hadziny jany zaŭvažyli maładoha čałavieka, jaki pavolna pierachodziŭ vulicu ŭ nienaležnym miescy. Padyšoŭšy bližej, jany ŭbačyli, što minak niasie ciažkija pakiety i sumku. Pravaachoŭniki paŭščuvali jaho za parušeńnie PDR, a potym pacikavilisia, što ž takoje ciažkoje niasie chłopiec. Toj adkazaŭ, što niasie nasvaj. Paśla hetaha 22-hadovaha žychara ahraharadka dastavili ŭ Homielski RAUS, kab pravieryć, žartuje jon ci kaža praŭdu.
U rajadździele vyśvietliłasia, što ŭ pakietach i sumcy sapraŭdy byŭ nasvaj vahoj kala 42 kh. Pry jaho prodažy vyručka skłała b kala 5000 rubloŭ.
Chłopiec raspavioŭ, što tavar jamu pryvioz z Rasii nieviadomy kiroŭca fury. Ni imia, ni telefona, ni marki aŭto jon nie zapomniŭ. Atrymany tavar mierkavaŭ pradać u Homieli.
U dačynieńni da hora-pradaŭca raspačali administracyjnuju spravu.