U asiacina, jaki adpomściŭ za siamju i zabiŭ šviejcarskaha dyśpietčara, naradzilisia dvajniaty
Rasiejec Vital Kałojeŭ, jaki straciŭ usiu siamju ŭ avijakatastrofie nad Bodenskim vozieram u 2002 hodzie i zabiŭ šviejcarskaha avijadyśpietčara, znoŭ staŭ baćkam, paviedamlajuć rasijskija ŚMI. U jaho naradzilisia dvajniaty, syn i dačka.
Vital Kałojeŭ (u centry) śviatkuje naradžeńnie dziaciej. Fota: Mash.
U 2013-m Vital druhi raz stvaryŭ siamju. Jaho abrańnicaj stała Iryna Dzarasava, jakaja pracavała inžynieram. Jana maładziejšaja za 62-hadovaha muža na 22 hady.
Strašnaja trahiedyja nad Bodenskim vozieram, jakaja adbyłasia ŭ lipieni 2002 hoda, šakavała mnohich. Praz pamyłku piłotaŭ u vialikim niebie łob u łob sutyknulisia hruzavy samalot Boeing avijakampanii DHL i pasažyrski łajnier «Baškirskija avijalinii», na jakim na adpačynak u Ispaniju lacieli rasijskija dzieci.
Z 71 achviary katastrofy — 52 dziciaci. Siarod pasažyraŭ rejsa znachodziłasia i ŭsia siamja architektara z Paŭnočnaj Asiecii Vitala Kałojeva — žonka, 11-hadovy syn i 4-hadovaja dačka.
Dvanaccać nažavych ranieńniaŭ, naniesienych Kałojevym šviejcarcu-dyśpietčaru, paciahnuli na 8 hadoŭ turemnaha źniavoleńnia. Ale ŭžo ŭ 2007 hodzie Kałojeva vyzvalili za dobryja pavodziny. Jon viarnuŭsia na radzimu.