Łukašenka ŭziaŭ udzieł u dabračynnym śviacie dla dziaciej FOTA
Alaksandr Łukašenka pryniaŭ siońnia ŭdzieł u navahodnim dabračynnym śviacie dla dziaciej u ramkach akcyi «Našy dzieci», piša BiełTA.
«Darahija siabry, vy — hałoŭny nabytak našaj Biełarusi. Heta nie prosta pryhožyja słovy, za hetymi słovami — ščyraja luboŭ, žadańnie kłapacicca i abaraniać, — padkreśliŭ Alaksandr Łukašenka. — Heta naturalnyja emocyi, jakija vyklikajuć našy małyja i dzietki starejšyja».
Jon pryznaŭsia, što prysutničać na dziciačych navahodnich śviatach vialiki honar i adkaznaść. «Dla mianie asabista heta chvalujučaja misija: ništo ŭ žyćci nie prynosić takuju radaść, jak mahčymaść padaryć dzieciam kazku, ubačyć uśmiešku i radaść u vačach dziaciej. Dla mianie jak dla prezidenta heta ščaście - u miljonach dziaciej, jakija žyvuć u našaj krainie», - skazaŭ kiraŭnik dziaržavy.
Jon źviarnuŭ uvahu, što dla jaho niama ničoha važniej, čym mirnaje i ščaślivaje dziacinstva padrastajučaha pakaleńnia biełarusaŭ. «Luby prezident, luby kiraŭnik dziaržavy, kiraŭnik luboha ŭzroŭniu ŭ toj ci inšaj krainie ščaślivy, kali dzieci žyvuć u mirnaj krainie», - adznačyŭ Łukašenka.