U śmiećciavoz patrapili niebiaśpiečnyja rečyvy — adbyłasia chimičnaja reakcyja
U kantejnier śmiećciavoza ŭ Minsku trapili niebiaśpiečnyja rečyvy, z-za čaho ŭ im pačałasia chimičnaja reakcyja. Na miesca zdareńnia vyklikali ratavalnikaŭ.
Paviedamleńnie pra toje, što na vulicy Filimonava sa śmiećciavoza idzie žoŭta-aranžavy dym, pastupiła ŭ MNS u siaredzinie dnia 28 śniežnia. Ratavalniki vyśvietlili, što ŭ kuzavie hruzavika adbyvajecca chimičnaja reakcyja z vydzialeńniem ciapła i dymu.
Rabotniki MNS aharadzili miesca zdareńnia. Terytoryja i kuzaŭ aŭtamabila byli apracavany dla niejtralizacyi dziejańnia chimičnych rečyvaŭ. Chimičnyja rečyvy byli adździelenyja ad śmiećcia, źmieščanyja ŭ płastykavuju taru dla dalejšaj transparciroŭki da miesca časovaha zachoŭvańnia.