U Biełarusi ŭpieršyniu vypuścili bienzin z aktanavym likam 100
Fota: mnpz.by
Mazyrski NPZ atrymaŭ stanoŭčyja vyniki vyprabavańniaŭ dośledna-pramysłovaj partyi bienzinu AI-100-K5-Jeŭra, paviedamili BiełTA na pradpryjemstvie.
AI-100-K5-Jeŭra raspracoŭvaŭsia dla prymianieńnia ŭ ruchavikach aŭtamabilaŭ luboha typu, vytvorcami jakich u instrukcyi pa ekspłuatacyi dazvoleny aktanavy lik, nie mienšy za 95.
«Pry vykarystańni AI-100-K5-Jeŭra pavyšajecca KKD ruchavika, što pryvodzić da palapšeńnia chutkasnych charaktarystyk aŭtamabila. AI-100-K5-Jeŭra dazvalaje atrymać maksimalnuju mahutnaść, palahčaje zapusk i źnižaje ŭdzielny raschod paliva», — adznačyli na Mazyrskim NPZ.
Akramia taho, panižanaje ŭtrymańnie siery, bienzołu i aramatyčnych vuhlevadarodaŭ pamianšaje karoziju na detalach aŭtamabila. Zbałansavany frakcyjny skład paliva źnižaje kolkaść škodnych vykidaŭ u atmaśfieru, śćviardžajuć na Mazyrskim NPZ.
Jak čakajecca, novy vid bienzinu stanie dastupny na biełaruskich zapraŭkach, a taksama budzie pastaŭlacca na ekspart.