Homielskija pamiežniki znajšli 22-hadovuju dziaŭčynu ŭ torbie FOTA, VIDEA
3 studzienia ź Biełarusi va Ukrainu vyjazdžaŭ «VAZ» na rasijskich numarach. Pamiežniki pravieryli jaho i znajšli niezvyčajny hruz.
Za styrnom mašyny byŭ hramadzianin Turkmienistana. A ŭ bahažniku — vialikaja torba, u jakoj znajšli žančynu, taksama z Turkmienistana.
Ciapier aboje «vandroŭniki» znachodziacca ŭ homielskim izalatary. Ich čakajuć administratyŭnyja pracesy: žančynu pakarajuć za parušeńnie pravił znachodžańnia ŭ Biełarusi i nielehalnaje pierasiačeńnie miažy, a mužčynu — za dapamohu ŭ niezakonnym pierasiačeńni miažy.