Žančyna skrała ŭ svajho niemaładoha siabra 5 tysiač dalaraŭ i na hetyja hrošy adpačyła ŭ Italii
Zdareńnie adbyłosia jašče ŭ mai ŭ staličnaj Sierabrancy.
66-hadovy mužčyna źviarnuŭsia ŭ milicyju z zajavaj na svaju 38-hadovuju sužycielku i jaje 45-hadovuju siabroŭku, paviedamlaje minskaja milicyja.
Jon raspavioŭ, što ź jaho kvatery źnikli 5 100 dalaraŭ.
Vyśvietliłasia, što jaho kachanaja viedała, što mužčyna zachoŭvaje niemałuju sumu. Jana padzialiłasia viedami sa starejšaj kalažankaj, a taja prapanavała hetyja hrošy skraści. Žančyna tak i pastupiła. Na hetyja hrošy jany adpravilisia ŭ Italiju.
Kali mužčyna vyjaviŭ prapažu, to spačatku zapatrabavaŭ viarnuć hrošy. Ale kali zrazumieŭ, što vysiłki marnyja, źviarnuŭsia ŭ milicyju.
Žančyny zatrymanyja i źmieščanyja ŭ izalatar.