Samy bahaty čałaviek u śviecie abviaściŭ pra razvod paśla 25 hadoŭ šlubu
Džef Biezas, kiraŭnik kampanii Amazon.com i najbahaciejšy biznesmien u śviecie pa viersii Forbes (ekśpierty aceńvajuć jaho bahaćcie ŭ $139,6 miljarda), abviaściŭ pra razvod sa svajoj žonkaj Makienzi.
«My vyrašyli raźvieścisia i praciahnuć žyć, zastaŭšysia siabrami. U nas było vydatnaje žyćcio jak u pary, a napieradzie ŭ nas cudoŭnaja budučynia jak u baćkoŭ, siabroŭ, partnioraŭ u roznych prajektach… Nazvy mohuć być roznymi, ale my zastaniemsia siamjoj i sapraŭdnymi siabrami», — havorycca ŭ sumiesnaj zajavie Džefa i Makienzi, apublikavanaj na staroncy kiraŭnika Amazon.com u tvitary.
U 1980-ja hady Džef Biezas i Makienzi Tatł u adzin i toj ža čas vučylisia ŭ Prynstanskim univiersitecie, adnak paznajomilisia tolki ŭ 1992 hodzie, kali ŭžo žyli ŭ Ńju-Jorku i pracavali ŭ inviestycyjnym fondzie D.E. Shaw na Uoł-stryt. U 1993 hodzie jany pažanilisia, a ŭ 1994 hodzie pierajechali ŭ Sietł, dzie Džef zasnavaŭ Amazon.com.
U pary čaćviora dziaciej.