Žychara Rečyckaha rajona asudzili za zabojstva 35-hadovaj daŭniny
11 studzienia ahučyli prysud uradžencu adnoj ź viosak Rečyckaha rajona. Mužčynu abvinavačvali ŭ zabojstvie taksista. Admietnaść spravy ŭ tym, što złačynstva adbyłosia jašče ŭ 1984 hodzie.
35-hadoŭ tamu nieviadomyja źbili i abrabavali homielskaha taksista. Tady złačyncaŭ nie znajšli.
A ŭ 2018 hodzie ŭ zatrymanaha za rabaŭnictva mužčyny ŭziali adbitki palcaŭ i vyśvietlili, što jany supadajuć z adbitkami adnaho z zabojcaŭ taksista.
U vyniku 55-hadovaha mužčynu sud pryznaŭ vinavatym i ŭ rabaŭnictvie, i ŭ naniasieńni ciažkich cialesnych paškodžańniaŭ, i ŭ zabojstvie z asablivaj žorstkaściu. Pryčym sudzili jaho pa starym kryminalnym kodeksie, uzoru 1960 hoda.
Vyrak — 15 hadoŭ kałonii strohaha režymu. Taksama mužčynu buduć prymusova lačyć ad ałkahalizmu.