Dziaržava vyrašyła nie znosić Asmałoŭku
Ministerstva kultury pryniało pastanovu nakont minskaha rajona Asmałoŭka, jaki jašče niadaŭna chacieli źnieści. Dakumient apublikavany na sajcie pravo.by.
Pabudovy ŭ rajonie vulic Staravilenskaja — Kisialova — Bahdanoviča — Čyčeryna — Kujbyšava — Paškievič — Kamunistyčnaja — praśpiekt Mašerava buduć znachodzicca pad achovaj dziaržavy.
Status historyka-kulturnaj kaštoŭnaści treciaj katehoryi atrymajuć 11 budynkaŭ:
- Bahdanoviča, 6 / Paškievič, 1,
- Bahdanoviča, 8,
- Bahdanoviča, 10,
- Bahdanoviča, 31 / Kamunistyčnaja, 42,
- Bahdanoviča, 33,
- Kamunistyčnaja, 3 / Kujbyšava, 21,
- Kamunistyčnaja, 5,
- Kamunistyčnaja, 6 / Čyčeryna, 7,
- Kujbyšava, 19,
- Paškievič, 9 / Čyčeryna, 2,
- Paškievič, 11/ Kujbyšava, 17.
Akramia taho, zabaraniajecca źmianieńnie vyšyni, architekturnych rašeńniaŭ i dekaracyi fasadaŭ budynkaŭ, u tym liku i typavych dvuchpaviarchovych budynkaŭ. Zabudova pryznana histaryčna kaštoŭnaj.
Kvartały Asmałoŭki adniesienyja da zony rehulavańnia zabudovy. Heta aznačaje, što tam zabaraniajecca ŭźviadzieńnie budynkaŭ i zbudavańniaŭ, nadbudova isnujučych budynkaŭ i zbudavańniaŭ vyšej za adznaku, paznačanuju ŭ dakumiencie.