«Biełaruskamoŭnaha azierbajdžanca» vyzvalili ź izalatara i abaviazali źjechać ź Biełarusi
U vieraśni «Naša Niva» pisała pra historyju Siejmura Mamiedhusiejnava — azierbajdžanca, jaki siadzieŭ u IČU razam z Paŭłam Sieviaryncam. Ciapier stała viadoma, čym usio skončyłasia.
Nahadajem, Mamiedhusiejnava padazravali ŭ suviaziach z kryminalnikami pa ŭsim byłym SND. U izalatary jon znachodziŭsia z krasavika 2018 hoda.
Ale 15 studzienia stała viadoma, što Siejmur vyjšaŭ na volu. Praŭda, pa infarmacyi «Novaha času», jaho abaviazali ciaham miesiaca źjechać ź Biełarusi — Mamiedhusiejnaŭ źjaŭlajecca asobaj biez hramadzianstva, choć i daŭno žyvie ŭ Biełarusi.