Videa z zavalenaj śmiećciem rasijskaj kvatery šakavała karystalnikaŭ internetu
Kvateru, ad padłohi da stoli zabituju adkidami, znajšli ŭ Piermskim krai. Videa na staroncy supołki «Padsłuchana Pierm» vykłali va «Ukantakcie».
Uładalnica žylla — piensijanierka — nastolki zachłamiła pamiaškańnie, što ŭ jaho niemahčyma zajści. Jak adznačaje aŭtar publikacyi, sama žančyna daŭno žyvie na leśvičnaj kletcy, śpić na kardonkach, ni z kim nie kantaktuje i kateharyčna admaŭlajecca ad dapamohi.
«Spačatku ludzi sprabavali dapamahčy čymści, potym zabili, bo biez tołku, u kvateru nikoha nie puskała, — tłumačycca ŭ kamientary da rolika. — Na dniach pažyłaja žančyna syšła, mabyć, u kramu i zabyłasia kluč u zamku, dźviery nie začyniła. Asabliva cikaŭnyja vyrašyli pahladzieć na krynicu smurodu. Vynik — na videa».
U kamientarach karystalniki sacsietki rekamiendujuć susiedziam źviarnucca pa dapamohu ŭ palicyju, sacyjalnyja słužby abo ŭ kampaniju, jakaja kiruje domam. Niekatoryja vykazali mierkavańnie, što kvateru nieabchodna spalić, inšyja spačuvajuć pažyłoj žančynie, vykazaŭšy zdahadku, što jana samotnaja i maje patrebu ŭ dapamozie.