Tramp: ZŠA padtrymlivajuć NATA na 100%, ale sajuźniki pavinny aktyvizavacca
Prezident ZŠA zajaviŭ, što Złučanyja Štaty całkam addanyja NATA, ale paŭtaryŭ, što inšyja členy Aljansa pavinny płacić bolš za svaju biaśpieku. Pra heta jon zajaviŭ u svaim vystupie ŭ Pientahonie, paviedamlaje AFP.
«My budziem z NATA na 100%, ale, jak ja skazaŭ krainam, vy pavinny aktyvizavacca i płacić», — skazaŭ Tramp.
Jon paŭtaryŭ svajo mierkavańnie ab tym, što blizkija sajuźniki ŭžo dziesiacihodździami karystajucca ščytom biaśpieki ZŠA i što jaho misija — spynić heta.
«My nie možam być durniami dla inšych. My nie možam być takimi. My nie chočam, kab nas tak nazyvali. I ja vam skažu, što za śpinami jany mienavita tak i kazali», — skazaŭ Tramp.
Tramp časta publična svaryŭsia na čalcoŭ NATA za toje, što jany nie pavyšajuć abaronnyja biudžety. Pierad ustupleńniem na pasadu prezidenta Tramp nazvaŭ NATA «sastarełym», i nieŭzabavie paśla burnaha samitu ŭ lipieni minułaha hoda jon zadaŭsia pytańniem, ci buduć ZŠA vykonvać asnovatvorny pryncyp uzajemnaj abarony aljansu dla takich maleńkich krain, jak Čarnahoryja.