Naścia Rybka pra svoj izalatar: Tut prosta kosmas
Namieśnik staršyni Hramadskaj naziralnaj kamisii Maskvy Jeva Mierkačova naviedała ŭ izalatary časovaha ŭtrymańnia hramadzianku Biełarusi Naściu Vašukievič, bolš viadomuju jak Naścia Rybka. U razmovie ź Mierkačovaj taja raspaviała, što paśla zatrymańnia ŭ aeraporcie «Šaramiećcieva» joj prapanavali dać pakazańni ŭ jakaści śviedki pa kryminalnaj spravie. Karotkaje intervju apublikavaŭ «Maskoŭski kamsamolec».
«Ja admaŭlałasia, skazała, što mahu potym adkazać na ŭsie pytańni», — raspaviała Rybka. «Paśla hetaha mnie skazali, što ŭ «Šaramiećcieva» niama tranzitnaj zony, i pastavili štamp ab tym, što ja znachodžusia na terytoryi Rasii. A potym adrazu ž paviazali. Ja liču, heta byŭ podły padman», — dadała jana.
Umovy ŭtrymańnia ŭ izalatary Anastasija Vašukievič apisała frazaj «tut prosta kosmas».