U Minsku pabudujuć pieršy ŭ krainie zavod pa spalvańni śmiećcia
U Minsku pabudujuć pieršy ŭ našaj krainie zavod pa spalvańni śmiećcia. Jon štohod zmoža pierapracoŭvać kala 500 tysiač ton adchodaŭ i vyrablać ciepłavuju i elektryčnuju enierhiju.
Pra heta padčas anłajn-kanfierencyi na sajcie Biełteleradyjokampanii paviedamiła dyrektar HU «Apieratar druhasnych materyjalnych resursaŭ» Natalla Hryncevič, piša sb.by.
Pavodle jaje słoŭ, u stalicy utvarajecca kala 25 adsotkaŭ adkidaŭ ad ahulnaj kolkaści pa Biełarusi. A pakolki, pa sutnaści, zastaŭsia ŭsiaho adzin dziejny palihon, dla Minska vielmi vostra staić prablema abychodžańnia z adkidami. U suviazi z hetym budaŭnictva zavoda pa spalvańni śmiećcia vielmi nieabchodna. «Užo vyznačany ŭčastki dla jaho raźmiaščeńnia, pravodzicca papiaredniaja rabota pa pošuku inviestaraŭ. I ja dumaju, u najbližejšy čas pačniecca budaŭnictva hetaha zavoda», — raspaviała Natalla Hryncevič.
Ekspłuatacyju dziejnaha palihona płanujecca spynić praz 4 hady. Ahulnasuśvietnaja praktyka spalvańnia adkidaŭ dazvalaje skaracić ich kolkaść da 10—15 pracentaŭ ad zychodnaj masy. Śmiećciepierapracoŭčyja ŭstanoŭki dazvolać vykarystoŭvać častku śmiećcia jak paliva, pry spalvańni jakoha budzie vypracoŭvacca ciepłavaja i elektryčnaja enierhija dla patrebaŭ samoha pradpryjemstva.