WhatsApp abmiežavaŭ pierasyłku paviedamleńniaŭ, kab zmahacca z fejkami
Miesiendžar WhatsApp, jakim vałodaje Facebook, raspaŭsiudžvaje abmiežavańnie pa kolkaści pierasyłańniaŭ paviedamleńniaŭ na ceły śviet. Zaraz karystalnik moža pierasyłać adno i toje ž paviedamleńnie nie bolš za piać razoŭ. Meta novaŭviadzieńnia — baraćba z dezinfarmacyjaj i čutkami, piša Reuters.
Raniej adno i toje ž paviedamleńnie možna było pierasyłać da 20 razoŭ (jak inšym karystalnikam, tak i ŭ hrupavyja čaty). Miesiendžar źniziŭ letaś hety limit da piaci, ale dziejničała heta abmiežavańnie tolki ŭ Indyi. Heta stała reakcyjaj kampanii na historyju, kali ŭ štacie Macharaštra linčavali piaciarych mužčyn na padstavie čutak, jakija raspaŭsiudžvalisia praź miesiendžar.