Zarobki piedahohaŭ i miedykaŭ vyrastuć sa studzienia
Zarobki niekatorych katehoryj rabotnikaŭ u śfierach adukacyi i achovy zdaroŭja pavialičany z 1 studzienia. Heta praduhledžana pastanovaj Savieta Ministraŭ ad 19 studzienia 2019 hoda №36 «Ab pavyšeńni zarabotnaj płaty asobnym katehoryjam rabotnikaŭ». Ukaz apublikavany na sajcie viedamstva.
Pastanovaj z 1 studzienia 2019 hoda praduhledžana vyznačeńnie halinovych nadbavak piedahahičnym rabotnikam (uklučajučy asob ź liku prafiesarska-vykładčyckaha składu). Na hetyja mety budzie nakiroŭvacca 5% płanavaha fondu apłaty pracy hetych rabotnikaŭ. Pamiery, paradak i ŭmovy vydzialeńnia nadbavak vyznačajucca Ministerstvam adukacyi pa ŭzhadnieńni ź Ministerstvam pracy i sacyjalnaj abarony i Ministerstvam finansaŭ.
Praduhledžana pavieličeńnie pamieraŭ akładaŭ pamočnikaŭ vychavalnikaŭ (z 20% da 25%) i dapłat daktaram-śpiecyjalistam (z 20% da 24% akładu), miedycynskim rabotnikam, jakija majuć siaredniuju śpiecyjalnuju adukacyju (z 13% da 16% akładu), a taksama vyznačeńnie dapłat farmaceŭtyčnym rabotnikam, jakija majuć siaredniuju śpiecyjalnuju adukacyju (u pamiery 1% akładu). Ministerstvu adukacyi daručana pryniać miery pa realizacyi pastanovy.