Ekśpierymient: upieršyniu ŭ Minsku śmiećcie pačnuć źbirać pad ziamloj
U staličnym mikrarajonie Šabany abstalujuć 17 kantejniernych placovak zahłyblenaha typu, paviedamiŭ karespandentu ahienctva «Minsk-Naviny» dyrektar ŽKH Zavodskaha rajona Michaił Varykaš.
Fota pradstaŭlena ŽKH Zavodskoha rajona.
Jak budzie pracavać novaja schiema?
«Dla ćviordych bytavych adkidaŭ, a taksama dla ŭsich vidaŭ druhasnych materyjalnych resursaŭ (płastyku, škła, papiery) ustalujuć asobnyja kantejniery abjomam kala 4 kubamietraŭ kožny, — raskazaŭ Michaił Varykaš. — Jany całkam raźmieściacca pad ziamloj, na pavierchni zastanucca tolki viečki. Kab ačyścić kantejnier, treba budzie ŭsiaho tolki adkryć viečka i dastać polietylenavy pakiet z adkidami».
Padziemnyja kantejniernyja placoŭki raźmieściać na adlehłaści nie bolš za 100 m ad padjezdaŭ žyłych damoŭ, kab imi było zručna karystacca žycharam, a taksama padjazdžać aŭtamabilam, jakija absłuhoŭvajuć hetuju haspadarku.
U čym pieravaha padziemnych kantejnieraŭ? Śmiećcie možna budzie vyvozić nie kožny dzień, a adzin ci dva razy na tydzień. Pry hetym jano nie budzie śmiardzieć, a badziažnyja žyvioły i ptuški nie zmohuć raznosić jaho.
Budaŭnictva pavinna skončycca 31 studzienia 2020 hoda.