U Hdańsku ŭkraincy napali z nažom na biełarusa
shutterstock.com
U polskim Hdańsku biełarus trapiŭ u balnicu z nažavymi ranieńniami. Praz padazreńnie ŭ zamachu na zabojstva zatrymali troch čałaviek, paviedamlaje Radyjo Svaboda sa spasyłkaj na Radio Gdansk.
Biełarus atrymaŭ try nažavyja ranieńni, u pryvatnaści žyvata, jamu zrabili apieracyju. Padrabiaznaści pra stan jahonaha zdaroŭja nie viadomyja.
Jak paviedamili ŭ palicyi Hdańska, zatrymali dźviuch žančyn i adnaho mužčynu, usie hramadzianie Ukrainy. Zaviedzienaja kryminalnaja sprava pa fakcie zamachu na zabojstva.
Pavodle nieaficyjnaj infarmacyi, paciarpieły pryjšoŭ u hości da znajomaha ŭ adzin z hostelaŭ u rajonie Lipce. Vierahodna, pamiž imi adbyłasia svarka. Paśla napadu paranieny sam vyjšaŭ z pakoju i paklikaŭ na dapamohu.
Dla dopytu asnoŭnaha padazravanaha palicyi daviałosia ŭziać paŭzu, bo pry zatrymańni jon byŭ pjany.