Vice-premjer Italii abvastraje svarku z Francyjaj: Makron — žudasny prezident
Italjanski ministr unutranych spraŭ Matea Salvini nazvaŭ francuzskaha lidara Emanuela Makrona «žachlivym prezidentam» u kamientarach, jakija, biezumoŭna, nadaduć napružanaści sprečcy z susiedam pa imihracyi. Pra heta piša AP.
Salvini, lidar pravaj «Lihi», zajaviŭ, što sprava nie ŭ francuzskim narodzie, a ŭ «Makrone, jaki šmat pramaŭlaje i mała dasiahaje, jaki daje ŭroki vysakarodnaści, a zatym razvaročvaje tysiačy mihrantaŭ na italjanskaj miažy».
«Kali Makron nastolki dobry, jon moža dakazać heta faktami, puściŭšy tysiačy biežancaŭ, jakija znachodziacca ŭ Italii, jakim jon abiacaŭ haścinnaść, razam ź inšymi jeŭrapiejskimi krainami», — skazaŭ Salvini.
Premjer-ministr Italii Džuzepe Konte pasprabavaŭ źnizić napružańnie, śćviardžajučy, što «my nie abmiarkoŭvajem našu histaryčnuju družbu z Francyjaj ci z francuzskim narodam».
«Niahledziačy na palityčnuju dyskusiju, adnosiny zastajucca mocnymi i ŭstojlivymi», — skazaŭ Konte.
Francuzskaje MZS u paniadziełak vyklikała pasła Italii paśla taho, jak namieśnik premjer-ministra Italii Łuidžy Dzi Majo abvinavaciŭ Paryž u stvareńni biednaści ŭ Afrycy i masavaj mihracyi ŭ Jeŭropu.
Salvini padtrymaŭ Dzi Majo i adznačyŭ, što Francyja nie zacikaŭlenaja ŭ stabilizacyi situacyi ŭ Livii z-za svaich enierhietyčnych intaresaŭ.