Haradzieniec pakryŭdziŭsia, što jaho nie puścili ŭ hości, i «zaminiravaŭ» susiedziaŭ
60-hadovy žychar Hrodna zatelefanavaŭ u milicyju i zajaviŭ, što jaho susiedzi chočuć uzarvać kvateru. U dalejšaj razmovie ź milicyjaj jon paviedamiŭ, što padarvie siabie samoha, paviedamlaje abłasnaja milicyja.
Milicyja, jakaja pryjechała na miesca zdareńnia, zatrymała mužčynu. Ni ŭ jaho kvatery, ni jašče ŭ dźviuch kvaterach hetaha ž padjezda vybuchovych prystasavańniaŭ nie znajšli. Evakuacyja žycharoŭ doma nie spatrebiłasia.
Vyjaviłasia, što mužčyna chacieŭ zajści ŭ hości da susiedziaŭ, ale tyja nie adčynili jamu dźviery. Tady jon vyrašyŭ im adpomścić i zatelefanavać u milicyju z zaviedama iłžyvym paviedamleńniem. Ale hrodzieniec byŭ nastolki pjany, što pierabłytaŭ numar ich kvatery z žyllom inšaha susieda.
Na mužčynu zaviali kryminalnuju spravu.