Rasijski rehijon vyrašyŭ uziać kryptapazyku ŭ Biełarusi
Udmurtyja prystupiła da pieramoŭ ź biełaruskaj kryptabiržaj pra vyprabavalny vypusk ablihacyj. Pra heta RBK raspavioŭ vice-premjer rasijskaha rehijonu Alaksandr Śvinin.
Pytańnie zakranuli na sustrečy z kiraŭnikom kryptabiržy Currency.com Viktaram Pierhamientam. Ułady rehijonu abmiarkoŭvali vypusk takienizavanych ablihacyj. Vice-premjer paviedamiŭ, što vypusk ablihacyj projdzie ŭ testavym režymie i ŭ nievialikim abjomie.
Druhim razam pradstaŭniki Udmurtyi i Biełarusi sustrenucca 28 studzienia 2019 hoda.
Śvinin raspavioŭ, što pry dapamozie raźmiaščeńnia ablihacyj Udmurtyja płanuje pryciahnuć dadatkovyja inviestycyi ŭ ekanomiku rehijonu.
Currency.com — pieršaja lehalnaja kryptabirža ŭ SND, na jakoj za kryptavaluty možna kupić kaštoŭnyja papiery.
Biznesmieny Said Huceryjeŭ i Viktar Prakapienia ŭkłali ŭ Currency.com 10 miljonaŭ dalaraŭ. Da kanca biahučaha hoda zasnavalniki biržy płanujuć atrymać vyručku pamieram 70 miljonaŭ dalaraŭ.