«Naša historyja» № 1-2019: apošnija dni prodažu ŭ kijoskach i na poštach. Paśpiašajciesia!
Maju honar abvieścić pra novy numar «Našaj historyi».
Što mnie asabista było sama cikava rychtavać: heta artykuł Ihara Biehuna pra «apieracyju «Bumieranh», jak KHB 20 hadoŭ vadziŭ za nos emihranckija centry, stvaryŭšy ŭnutry krainy psieŭdapadpolle.
Što mianie ŭraziła i mnohich urazić (a niekatoryja i skryhatać zubami buduć): komiks pra vampiraŭ u savieckim Minsku. TAKICH komiksaŭ u Biełarusi jašče nie malavali.
Za što ja vielmi rady — heta za artykuł pra doktara Kłumava. My to ŭsie čuli pra «vulicu Kłumava», «balnicu imia Kłumava», a Hanna Sieviaryniec adkapała, što rasijskaja pravaabaronca Śviatłana Hannuškina, naminantka na Nobieleŭskuju premiju, — plamieńnica Kłumava, i taja raskazała vielmi asabistyja rečy pra lehiendarnaha doktara. Jaho trahiedyja była, što jon nie pavieryŭ žoncy Piatra Hlebki, paličyŭ jaje niamieckaj pravakatarkaj…
Pra što budziecie spračacca: pra Armiju Krajovu. My dajom słova i aktyvistu polskaj mienšaści Andreju Pačobutu, i aŭtaram, jakija da AK santymientaŭ nie majuć.
Intryhuje tema «Pinskaj šlachty». Viedajecie, jaki huk nazyvajecca «ŭmlaŭt»? Dyk voś, dziakujučy ŭmlaŭtam aŭtar nabližajecca da razhadki aŭtarstva pjesy (najchutčej što, nie Dunin-Marcinkievič jaje napisaŭ).
Ci mieła BNR stračany šans? Tak, miarkuje doktar histaryčnych navuk Alaksandr Smalančuk. I jon byŭ źviazany z Ramanam Skirmuntam. A toj Skirmunt byŭ vialiki aryhinał: žyŭ z žonkaj svajho furmana, tak nikoli i nie ažaniŭsia… Ci moh taki čałaviek stać palityčnym lidaram? Cikavyja temy dla razvažańnia.
Niečakanaja tema: kandydat navuk Pavieł Bułaty raskazvaje, ź jakimi pryhodami biełarusy ŭ 1966 hodzie adbudoŭvali Taškient. Šašłyk, vino rakoju…
Ciažka rabić vybarku: u «Našaj historyi», jak zaŭsiody, niama «prachadnych» tekstaŭ. Varvara Kucharenka — pra majstroŭ «nahamiotu» i Charvatyju; Michaś Bułavacki — pra chutaran; Aleś Bieły — pra biełaruski pitny miod, słaŭny i staražytny; Vasil Hierasimčyk — pra historyju adnaho fejku, «28 panfiłaŭcaŭ», Dzianis Lisiejčykaŭ — pra Połack kryminalny, Kiryła Karluk — pra zabavy «za karala Sasa»… Voś źmiest:
Pytajciesia časopis u šapikach i kramkach «Biełsajuzdruku» abo na poštach. A taksama voś ahulny śpis kniharań, dzie možna znajści naš časopis u roznych haradach:
Minsk
«Akademkniha» (na stancyi mietro Akademija navuk)
Filija «Akademknihi» na Bahdanoviča, 46
Symbal.by (pr. Mašerava, 18)
Handlovy centr «Kupałaŭski» (pad Kastryčnickaj płoščaj), kramy 41—42 i 44—45
«Halijafy» (Niamiha, 3, krama № 47 na cokalnym paviersie)
«Moj modny kut» (Centr Maskoŭska-Vienski, paviljon 333 — heta kala CUMa, mietro Jakuba Kołasa, pr. Niezaležnaści 58)
Knižny kirmaš pa vuł. Daŭmana, 23 (subota 00.00-14.00), miesca 78b
«Rahna» (Suchaja, 4, mietro Frunzienskaja)
«Knižnaja šafa» (Dziaržynskaha, 9)
dy inšyja
Poštaj ci z dastaŭkaj na dom
vy možacie jaho zamović praz Symbal.by, Halijafy.by, Knihi.by, Kniger.by, Akademkniga.by.
Hrodna
«Cudoŭnia» (Kirava, 3)
dy inšyja
Brest
«Pravilnaja kniha» (Kujbyšava 13, kala rynku)
«Kniaź Vitaŭt» (Savieckaja, 55)
dy inšyja
Homiel
«Knižny śviet» (pr. Lenina, 45)
Viciebsk
«Śvietač» (Kirava, 10)
dy inšyja
Mahiloŭ
«Haściniec» (Viciebski praśpiekt, 48)
dy inšyja
Babrujsk
«Krynica viedaŭ» (Horkaha, 31).
Baranavičy
«Knihi» (vuł. Savieckaja, 73)
Maładziečna
«Spadčyna» (vuł. Prytyckaha, 7)
Lida
«Knižny śviet» (pr. Pieramohi, 33)
Navapołack
«Dom knihi» (vuł. Maładziožnaja, 145)
«Uschod» (vuł. Kirava, 4)
Pinsk
«Moj modny kut» (vuł. Lenina, 31)
Vilnia
Pabačyć možna ŭ šapiku biełaruskaj parafii kaścioła ŭ Zareččy (Užupis), jon pracuje ŭ niadzieli, padčas słužby.
Varšava
Pabačyć možna ŭ Biełaruskim domie (13/3, Wiejska).
Nahadvajem, što časopis možna kupić i ŭ PDF, u elektronnaj viersii. Rekamiendujem jaje dla ŭsich, u kaho niama dostupu da papiarovaj viersii.
Padpisny indeks 00469
Vy ž viedajecie, što na 2019 hod možna padpisacca. Padpisny indeks 00469. Pryčym pa padpiscy časopis abychodzicca tańniej, čym u kramach i kijoskach.
Jakija pryncypy novaha časopisa
My robim navukova-papularny časopis. Heta značycca, što jon aryjentavany na prostaha čytača, a nie navukoŭcaŭ. Naš padychod — historyja prostymi słovami.
My zadumali jaho jak časopis, jaki budzie jadnać, a nie dzialić. Akramia taho, nam važnyja sistemnaść, abjektyŭnaść i histaryzm. Nam važna pisać bieź mifałohii i mistyfikacyj, bo tolki praŭda cikavaja.