U Rahačovie miascovy žychar zahinuŭ pad kołami tavarnaha pojezda
Zdareńnie adbyłosia ŭ subotu, 26 studzienia, kala 23.00 na čyhunačnaj stancyi Rahačoŭ.
47-hadovy žychar horada trapiŭ pad tavarny ciahnik, jaki ruchaŭsia tranzitam, biez prypynkaŭ praz stancyju Rahačoŭ. Jak patłumačyŭ mašynist, jon zaŭvažyŭ mužčynu pobač z čyhunačnymi puciami i pačaŭ sihnalić. Ale toj nie adreahavaŭ. Jak tolki ciahnik padjechaŭ da pierachodu, mužčyna zrabiŭ krok napierad.
Paciarpiełaha dastavili ŭ centralnuju rajonnuju balnicu. Praź niekatory čas jon pamior.
Sa słoŭ mašynista, žychar Rahačova razmaŭlaŭ pa mabilnym telefonie. Usiu karcinu zdareńnia adnaŭlajuć pravaachoŭniki.