Minpryrody Rasii: Kraina zabiaśpiečana zapasami stratehičnych karysnych vykapniaŭ maksimum na 30 hadoŭ
Zabiaśpiečanaść Rasii rentabielnymi zapasami stratehičnych i najbolš značnych vidaŭ karysnych vykapniaŭ pry zachavańni biahučych ekanamičnych umoŭ moža skłaści nie bolš za 25—30 hadoŭ, vynikaje sa stratehii raźvićcia minieralna-syravinnaj bazy Rasii da 2035 hoda, raspracoŭkaj jakoj zajmałasia Minpryrody Rasii, piša TASS.
Zapasy hazu, miedzi, nikielu, vołava, valframu, malibdenu, płacinoidaŭ, apatytavaj i žaleznaj rudy, a taksama kalijnych solaŭ, vuhalu i cemientnaj syraviny pry lubych scenarach raźvićcia ekanomiki zadavolać nieabchodnyja patreby i paśla 2035 hoda.
Razam z tym dasiahnutyja ŭzroŭni zdabyčy nafty, śvincu, zołata, srebra, ałmazaŭ, cynku i asabliva čystaj kvarcavaj syraviny niedastatkova zabiaśpiečany zapasami radoviščaŭ, jakija raspracoŭvajucca, da 2035 hoda.