Pjanaja kiroŭca biez pravoŭ urezałasia ŭ dreva na mašynie biez techahladu i strachoŭki — paciarpieŭ jaje 10-hadovy syn
Dziesiacihadovaje dzicia paciarpieła ŭ DTZ u Słuckim rajonie. Avaryja adbyłasia 29 studzienia kala 8 hadzin pablizu vioski Viasieja, paviedamlaje UUS Minskaha abłvykankama.
33-hadovaja kiroŭca Chrysler Concorde niapravilna vybrała chutkaść ruchu, nie ŭličyła asablivaściej i stanu aŭtamabila, a taksama stanu darohi. Jana źjechała ŭ kiuviet i ŭrezałasia ŭ dreva.
U vyniku DTZ traŭmy atrymaŭ jaje dziesiacihadovy syn, jaki siadzieŭ na zadnim siadzieńni. Chłopčyka špitalizavali ŭ reanimacyju. Jon byŭ bieź śpiecyjalnaha ŭtrymlivajučaha prystasavańnia, nie byŭ pryšpileny remieniem biaśpieki.
Pavodle papiaredniaj infarmacyi, maci była pjanaj, paśviedčańnia kiroŭcy nie mieła (nikoli nie atrymlivała). Strachavoje paśviedčańnie i techahlad adsutničali.