Lavon Volski prezientavaŭ «Russkuju pieśniu» VIDEA
Fota Andreja Davydčyka
Lavon Volski pradstaviŭ u siecivie treci sinhł z novaha alboma «Hravitacyja», kancertnaja prezientacyja jakoha adbudziecca 2 sakavika ŭ Prime Hall. Upieršyniu z pačatku 80-ch muzyka zaśpiavaŭ na ruskaj movie.
— Pieśniu ja napisaŭ u 2013 hodzie, jašče da pačatku padziej va Ukrainie. Na žal, vialikaja častka našaj krainy žyvie ŭ čužoj miedyjaprastory, cikaviačysia bolš zornymi ramanami Puhačovaj i Kirkorava, čym padziejami ŭ Biełarusi — było tak tady, zastajecca tak i zaraz. Asabliva mocna na masy ŭpłyvaje telebačańnie — pra heta klip, jaki źniaŭ režysior Alaksandr Mickievič. Ja ŭžo hadoŭ 10-15 nie hladžu anijakija kanały i vielmi hetamu rady, — raspavioŭ Lavon Volski.
Novy albom «Hravitacyja», jaki maje vyjści ŭ chutkim časie, zaviaršaje tryłohiju, raspačatuju dyskami «Hramadaznaŭstva» (2014) i «Psichasamatyka» (2016). Jak i papiaredniki, jon byŭ zapisany ŭ Vilni z narviežskim saŭndpradusaram Snore Bierhierudam.
Kancertnaja prezientacyja alboma «Hravitacyja» adbudziecca 2 sakavika ŭ Prime Hall. Kvitki koštam ad 40 rubloŭ možna nabyć na sajtach Kvitki.by, Primehall.by, a taksama ŭ kasach horada. Daviedka: (033) 661 14 32.