U Minsku zatrymany chłopiec, jaki pradavaŭ nasvaj
U stalicy pravaachoŭniki na vulicy Kalvaryjskaj zatrymali 24-hadovaha niepracujučaha žychara Rečycy, jaki realizoŭvaŭ nasvaj na terytoryi horada, piša Źviazda.
Padčas ahladu ŭ mašynie zatrymanaha było znojdziena i kanfiskavana bolš za 10 kiłahramaŭ niekurylnych tytuniovych vyrabaŭ (nasvaj). Rečyva było rasfasavana pa pakiecikach.
Padčas razmovy z zatrymanym stała viadoma, što małady čałaviek try razy pryciahvaŭsia da administracyjnaj adkaznaści za ŭčynieńnie anałahičnaha pravaparušeńnia. Adnak heta nie pieraškodziła jamu praciahvać svaju dziejnaść.
U dačynieńni da chłopca składzieny administracyjny pratakoł za niezakonnyja dziejańni ź niekurylnymi tytuniovymi vyrabami, pryznačanymi dla smaktańnia i (abo) žavańnia. Jamu pahražaje štraf u pamiery ad dziesiaci da saraka bazavych vieličyń (255—1020 rubloŭ).