Dola ŭkraincaŭ, jakija adnosiać siabie da Maskoŭskaha patryjarchata, skaraciłasia da 11%
Bolš za 70% ukraincaŭ nazyvajuć siabie pravasłaŭnymi. 8,8% skazali, što jany «prosta chryścijanie», 6,9% ukraincaŭ źjaŭlajucca hreka-katalikami, 1,3% — ryma-katalikami, 1% — prychadžanie pratestanckich i jevanhielisckich cerkvaŭ, 0,4% adnosiać siabie da inšaj relihii (isłam, iudaizm, induizm, budyzm). Takija vyniki apytańnia, praviedzienaha Centram sacyjalnych i markietynhavych daśledavańniaŭ Socys, Kijeŭskim mižnarodnym instytutam sacyjałohii i Centram Razumkova.
9,5% apytanych ukraincaŭ nie adnosiać siabie ni da adnoj z relihij.
Charakterna, što 43,9% pravasłaŭnych ukraincaŭ adnosiać siabie da novaj Pravasłaŭnaj carkvy Ukrainy (PCU).
38,4% apytanych pravasłaŭnych nazyvajuć siabie prosta pravasłaŭnymi i nie adnosiać ni da adnoj kanfiesii, jašče 15,2% pravasłaŭnych respandentaŭ (kala 11% ad ahulnaj kolkaści respandentaŭ) adnosiać siabie da UPC maskoŭskaha patryjarchata.