Rasijski sienatar: Ciapier Jeŭropa stanovicca mišeńniu dla našych rakiet
U rasijskim Saviecie Fiederacyi zajavili, što ŭ vypadku vychadu ZŠA z dahavora pra rakiety siaredniaj i mienšaj dalokaści, Jeŭropa stanovicca mišeńniu dla rasijskich rakiet. Pra heta zajaviŭ člen mižnarodnaha kamiteta Savieta Fiederacyi Aleh Marozaŭ, paviedamlaje «RIA Novosti».
«Nam daviadziecca adkazvać i na poli ŭzbrajeńniaŭ, i na poli jeŭrapiejskaj dypłamatyi. Važna, kab jeŭrapiejcy ŭśviadomili, što zaraz jany stanuć mišeńniu dla rasijskich rakiet», — skazaŭ Marozaŭ.
Na dumku rasijskaha sienatara, ZŠA chočuć raźmiaścić svaje rakiety ŭ Jeŭropie ŭ procivahu rasijskaj hipierhukavoj zbroi.
Nahadajem, siońnia ZŠA abviaścili pra vychad z dahavora pra rakiety siaredniaj i mienšaj dalokaści (DRSMD) z Rasijaj z 2 lutaha. Aficyjny praces vychadu zojmie šeść miesiacaŭ.