Biaspraŭnik u Alšanach naśmierć źbiŭ žančynu
Zdareńnie adbyłosia 1 lutaha ŭ 19.25 u Alšanach Stolinskaha rajona, paviedamlaje DAI Bresta.
22-hadovy žychar Alšanaŭ, što nie mieŭ pravoŭ, na «Reno-Miehan-Scenik» nasuprać doma №22 pa vulicy Školnaj, ździejśniŭ najezd na 59-hadovuju žančynu, što ruchałasia pa krai prajeznaj častki ŭ spadarožnym kirunku. Jana nie była paznačana śviatłoadbivalnymi elemientami.
Žančyna ad atrymanych cialesnych paškodžańniaŭ zahinuła na miescy zdareńnia. Kiroŭca zatrymany.