Na naradzie ŭ Łukašenki abmiarkoŭvalisia miery pa palapšeńni dziełavoha klimatu
U najbližejšy čas čakajecca pryniaćcie dakumientaŭ, nakiravanych na dalejšaje palapšeńnie dziełavoha klimatu i pavyšeńnie inviestycyjnaj pryvabnaści Biełarusi. Ab hetym pa vynikach narady kiraŭnika dziaržavy z ekanamičnym błokam raspavioŭ žurnalistam pieršy vice-premjer Alaksandr Turčyn, piša BiełTA.
«Adnym z błokaŭ razhladalisia pytańni palapšeńnia dziełavoha klimatu ŭ krainie, inviestycyjnaj pryciahalnaści. My zrabili akcent užo na praktyku prymianieńnia peŭnych normaŭ zakanadaŭstva za historyju našaj krainy. Tamu nieabchodna budzie ŭnieści peŭnyja karekciroŭki ŭ prapanavanyja dakumienty. Kanceptualna tyja asnoŭnyja rečy, jakija ŭ ich vykładzieny, kiraŭnikom dziaržavy padtrymanyja», — zajaviŭ Alaksandr Turčyn.
Jon pakul nie staŭ raskryvać padrabiaznaści, adnak zapeŭniŭ, što ŭ najbližejšy čas na hety kont źjaviacca kankretnyja dakumienty. «U nastupny čas hetyja dakumienty ŭbačać śviatło», — skazaŭ pieršy vice-premjer.