Facebook dazvoliŭ vydalać paviedamleńni ŭ miesiendžary
U miesiendžary Facebook źjaviłasia mahčymaść vydalać paviedamleńni, piša The Verge.
Vydalić paviedamleńnie možna tolki na praciahu 10 chvilin paśla jaho adpraŭki. Dla hetaha karystalniku treba nacisnuć na paviedamleńnie i vybrać adnu ź dźviuch opcyj — vydalić dla ŭsich ci tolki dla siabie. Kali karystalnik vybiraje varyjant vydaleńnia dla ŭsich, to paviedamleńnie, jakoje jon vydaliŭ, zamianiajecca tekstam pra toje, što paviedamleńnie było vydalenaje.
Hiendyrektar FB Mark Cukierbierh karystaŭsia padobnaj mahčymaściu jašče da taho, jak jana była ŭviedziena dla ŭsich astatnich karystalnikaŭ. U krasaviku 2018 hoda krynicy raspaviadali The Verge, što paviedamleńni, jakija jany atrymlivali ad Cukierbierha, źnikali. Facebook patłumačyŭ heta mierami biaśpieki z-za mahčymaści ŭciečak.
U miesiendžarach Telegram i Whatsapp u karystalnikaŭ jość mahčymaść vydalać paviedamleńni. U pieršym vydalenaje paviedamleńnie źnikaje biasśledna, u druhim na miescy vydalenaha paviedamleńnia zastajecca zhadka pra toje, što paviedamleńnie było vydalenaje.