«Marak z ZŠA» vymaniŭ u davierlivaj žycharki Barysava 41 tysiaču dalaraŭ
Usio pačałosia jašče ŭ krasaviku 2018 hoda. Žančyna ŭ sacsietcy paznajomiłasia z mužčynam, jaki nazvaŭsia raźviedzienym 52-hadovym marakom z ZŠA, piša SK.
Praź niekalki miesiacaŭ mužčyna skazaŭ, što ŭ jaho zakančvajecca kantrakt u Tajłandzie i kab adtul źjechać, jamu patrebnyja nieabchodnyja dakumienty. Jon prasiŭ akazać dapamohu pry dastaŭcy jamu hetych dakumientaŭ. Žančyna pavinna była atrymać pasyłku i adpravić jamu ŭ Tajłand. U nastupnych listach havaryłasia pra toje, što pasyłka ŭžo ŭ Biełarusi, adnak dla jaje atrymańnia nieabchodna apłacić mytny zbor.
Usiaho davierlivaja žančyna ŭ niekalki etapaŭ pieraličyła na pradastaŭlenyja joj rekvizity bolš za 41 tysiaču dalaraŭ ZŠA, uziaŭšy pazyku ŭ znajomych i aformiŭšy kredyty.
U chodzie rasśledavańnia ŭstanoŭlena, što paciarpiełaja pieraličvała hrošy na rachunak u Hanu. Śledčym nakiravany mižnarodnyja zapyty ab akazańni pravavoj dapamohi.