Prarasijskija bajeviki «ŁNR», vierahodna, znoŭ vypraboŭvali łaziernuju zbroju
Pamiežniki sa składu Abjadnanych siłaŭ u čarhovy raz zafiksavali prykmiety vykarystańnia rasijskimi najmitami łaziernaj zbroi, paviedamlajecca na sajcie Dziaržpahransłužby Ukrainy.
Z 22.00 8 lutaha da 4 hadzin ranicy 9-ha ŭ rajonie KPUV «Stanica Łuhanskaja» pamiežnyja narady pa prykryćci darožnaha kalidora fiksavali z boku časova akupavanaj terytoryi pramiani śvietła-fijaletavaha koleru ź pieryjadyčnaściu kožnyja 2—3 chviliny. Praz asablivaści reljefu miascovaści i niebiaśpieku vykarystańnia aptyčnych i ciepłavizijnych pryboraŭ dakładnych miescaŭ vychadu pramianioŭ im vyjavić nie ŭdałosia.
Padraździaleńni Dziaržpahransłužby sa składu Abjadnanych siłaŭ užo nieadnarazova fiksavali padobnyja vypadki. Na praciahu 2016—2018 hadoŭ u čas niasieńnia słužby traŭmy vačej atrymali piać vajennasłužačych Kramatorskaha pahraničnaha atrada. Jany viali nazirańnie, vykarystoŭvajučy aptyčnyja prybory.