U domie šansańje Osi Soncaŭskaha palicyja znajšła trup biełaruski
Supracoŭniki rasijskaj palicyi znajšli ŭ pryvatnym domie, uładalnikam jakoha źjaŭlajecca šansańje Siarhiej Dziatłaŭ, što vystupaje pad sceničnym psieŭdanimam Osia Soncaŭski, trup uradženki Biełarusi. Jak raspaviała Ahienctvu haradskich navin «Maskva» krynica ŭ pravaachoŭnych orhanach stalicy, pa papiarednich dadzienych, śmierć žančyny nastupiła niehvałtoŭnym čynam.
«U pryvatnym domie S. Dziatłava ŭ Novaj Maskvie 10 lutaha było znojdziena cieła žančyny bieź źniešnich prykmiet hvałtoŭnaj śmierci. Blizkija zahinułaj uradženki Biełarusi raspaviali, što pamierłaja dva miesiacy złoŭžyvała śpirtnymi napojami. Z-za hetaha ŭ jaje zdaralisia prystupy epilepsii. Pa dadzienym fakcie pravodzicca daśledčaja pravierka i pryznačana sudova-miedycynskaja ekśpiertyza», — skazaŭ surazmoŭca ahienctva.
S. Dziatłaŭ nieadnarazova traplaŭ u pole zroku pravaachoŭnych orhanaŭ. U 2018 hodzie jon praihnaravaŭ rašeńnie Soncaŭskaha rajonnaha suda i nie staŭ raźbirać chosteł-samabud, u jaki niezakonna zasialaŭ usich achvotnych. Pabudovu źnieśli prymusova buldozierami.