Majkł Džeksan pamiraje
Apošnim časam Džeksan starajecca nie źjaŭlacca na publicy, ź ciažkaściu razmaŭlaje i amal aślep na levaje voka.
U niadzielu, 21 śniežnia, amerykanskaje telebačańnie paviedamiła, što znakamity śpiavak Majkł Džeksan vielmi słaby, i jaho stan z kožnym dniom horšaje.
Apošnim časam Džeksan starajecca nie źjaŭlacca na publicy, ź ciažkaściu razmaŭlaje i amal aślep na levaje voka.
Jak pieradaje FOX News, 50‑hadovy Majkł Džeksan pakutuje ad deficytu alfa1‑antytrypsinu — hienietyčnaj patałohii, pry jakoj u kryvi adznačajecca nizki ŭzrovień prateinu AAT i čaściakom raźvivajecca chraničnaja abstrukcyjnaja chvaroba lohkich.
Pavodle niepaćvierdžanaj pakul infarmacyi, chvaroba Džeksana zapuščana i mahčyma, jamu spatrebicca transpłantacyja adnaho ci abodvuch lohkich.
Jan Halpieryn, aŭtar knihi pra Džeksana, zajaviŭ časopisu Touch, što chvaroba prahresavała ciaham apošnich hod, ale apošnim časam stan śpievaka značna pahoršyŭsia.
Pavodle Halpieryna, Džeksan maje patrebu ŭ pierasadcy lohkaha, ale moža być vielmi słabym dla apieracyi, «jakaja moža jaho zabić».
Brat znakamitaha śpievaka Džermejn Džeksan paćvierdziŭ karespandentu FOX News, što ŭ Majkła surjoznyja prablemy, ale admoviŭsia ad dalejšych kamientaroŭ.