Łukašenka stvaryŭ Biełaruski instytut stratehičnych daśledavańniaŭ
Alaksandr Łukašenka 12 lutaha padpisaŭ ukaz №49 «Ab stvareńni Biełaruskaha instytuta stratehičnych daśledavańniaŭ», paviedamlaje BiełTA.
Čytajcie taksama:
Narada ŭ Łukašenki: chočuć pa-novamu aceńvać rejtynhi ŚMI i pieradzialić rynak rekłamy
Paviedamlajecca, što Biełaruski instytut stratehičnych daśledavańniaŭ stvarajecca «ŭ metach infarmacyjna-analityčnaha zabieśpiačeńnia dziejnaści dziaržaŭnych orhanaŭ pa stratehičnych napramkach źniešniaj i ŭnutranaj palityki».
U centry ŭvahi hetaj ustanovy budzie praviadzieńnie navukovych daśledavańniaŭ, vyvučeńnie tendencyj raźvićcia mižnarodnych, hramadska-palityčnych i sacyjalna-ekanamičnych pracesaŭ, daśledavańnie ryzyk i vyklikaŭ u infarmacyjnaj śfiery.
Arhanizacyja zojmiecca vypracoŭkaj rekamiendacyj, nakiravanych na ŭdaskanaleńnie dziaržaŭnaj palityki ŭ roznych śfierach. Płanujecca pryciahvać viadučych ekśpiertaŭ u śfiery źniešniaj i ŭnutranaj palityki, infarmacyjnych technałohij, nacyjanalnaj biaśpieki.
Kiravać novaj strukturaj budzie Aleh Makaraŭ. Da hetaha Makaraŭ pracavaŭ načalnikam infarmacyjna-analityčnaha ŭpraŭleńnia Dziaržaŭnaha sakrataryjata Rady biaśpieki.