Bellingcat vyśvietliŭ imia treciaha padazravanaha ŭ atručvańni Skrypaloŭ
Hrupa Bellingcat paviedamiła, što sapraŭdnaje imia treciaha padazravanaha ŭ zamachu na Skrypaloŭ, mierkavanaha supracoŭnika HRU «Siarhieja Fiadotava» — Dzianis Siarhiejeŭ.
Raniej pra Fiadotava paviedamlałasia, što niekalki hadoŭ tamu jon nibyta sprabavaŭ atrucić bałharskaha pradprymalnika Jemialjana Hiebrava z dapamohaj atrutnaha rečyva kłasa «Navičok».
Siarhiejeŭ — vysokapastaŭleny supracoŭnik HRU ŭ minimalnym zvańni pałkoŭnika (a mahčyma i hienierał-majora). Jon naradziŭsia ŭ 1973 hodzie ŭ Kazachstanie. Skončyŭ elitnuju Vajskova-dypłamatyčnuju akademiju, šyroka viadomuju ŭ Rasii jak «Kansiervatoryja HRU».
Taksama paviedamlajecca, što mužčyna žanaty, maje darosłuju dačku.