U rasiejskich palicejskich źjaviacca supierakulary z funkcyjaj raspaznańnia asob
Urad Maskvy płanuje zabiaśpiečyć palicejskich supierakularami z funkcyjaj raspaznańnia asob. Pra heta paviedamili dźvie krynicy, jakija ŭdzielničajuć u padrychtoŭcy prajekta.
Pa ich dadzienych, departamient infarmacyjnych technałohij meryi Maskvy teściruje funkcyju raspaznańnia asob ź pieradačaj infarmacyi na akulary dapoŭnienaj realnaści, ale pra vyniki hetaha prajekta havaryć pakul rana.
Pieršyja ŭzory novaj pryłady płanujecca prezientavać vosieńniu 2019 hoda.
Zaraz u Maskvie technałohija raspaznańnia asob ŭkaranionaja ŭ haradskuju sistemu videanazirańnia: 1500 kamier padłučanyja da baz dadzienych asob, jakija znachodziacca ŭ vyšuku. Ich kolkaść z časam budzie pavialičvacca. Taksama sistema raspaznańnia asob funkcyjanuje ŭ mietro.