Ekspart ukrainskich tavaraŭ u ES vyras na 15%
Tempy rostu ekspartu ŭkrainskich tavaraŭ u Jeŭrasajuz u 2018 hodzie skłali 15%, paviedamlaje Dziaržstat Ukrainy.
Usiaho za minuły hod było ekspartavana ŭ ES tavaraŭ na sumu $20,15 miljarda, a dola rynku Jeŭrasajuza skłała 42,6%. Za 2017 hod dola ES składała tolki 40,5%, adnak tempy rostu byli istotna vyšejšyja — 29,9%.
Choć Rasija praciahvaje zastavacca najbujniejšym rynkam zbytu ŭkrainskich tavaraŭ, ekspart u hetuju krainu ŭ 2018 hodzie ŭpaŭ na 7,2%, da $3,65 miljarda.
Pry hetym ekspart ukrainskich tavaraŭ u Polšču skłaŭ $3,25 miljarda, pavialičyŭšysia na 19,6%. Pry takich tempach užo ŭ hetym hodzie Polšča moža stać klučavym handlovym partnioram Ukrainy.