U Leninhradskaj vobłaści babrujčanka parezała muža-recydyvista, jaki znachodzicca ŭ vyšuku
U Vybarhskim rajonie Leninhradskaj vobłaści kanflikt recydyvista ź jaho damaj pryvioŭ da taho, što mužčyna trapiŭ na apieracyjny stoł, a žančyna apynułasia ŭ izalatary časovaha ŭtrymańnia. Jak vyśvietliłasia, paciarpiełym cikaviacca pravaachoŭniki ź Biełarusi.
14 lutaha ŭ vybarhskuju palicyju pastupiła telefanahrama ad miedykaŭ pra toje, što ad adnaho z damoŭ pa Fiermskamu zavułku ŭ pasiołku Ćvieładubava, z nažavym ranieńniem u vobłaść žyvata ŭ ciažkim stanie špitalizavany 47-hadovy mužčyna.
Paciarpieły znachodzicca ŭ vyšuku za chulihanstva, ździejśnienaje ŭ Biełarusi. Jon uradženiec Novasibirska, pražyvaje ŭ horadzie Vyšni Vałačok Ćviarskoj vobłaści i raniej byŭ nieadnarazova sudzimy za kradziež i pryčynieńni ciažkaj škody zdaroŭju, pryčym u adnym vypadku jaho apanient skanaŭ.
Da miedykaŭ patelefanavaŭ sam mužčyna, i paviedamiŭ, što jon rabotnik fiermierskaj haspadarki ŭ Ćvieładubavie i nažavoje ranieńnie atrymaŭ u chodzie kanfliktu z žonkaj, danyja jakoj paviedamić admoviŭsia.
Supracoŭniki palicyi zatrymali 51-hadovuju hramadzianku Biełarusi, žycharku Babrujska, jakaja padazrajecca ŭ tym, što mienavita jana parnuła paciarpiełamu nažom u žyvot.