ZŠA ŭviali sankcyi suprać siłavoha błoka Madury
Ministerstva finansaŭ ZŠA pašyryła śpis vieniesuelskich čynoŭnikaŭ, u dačynieńni da jakich uviedzieny sankcyi.
Sankcyi ŭviedzienyja suprać piaci vysokapastaŭlenych pradstaŭnikoŭ siłavoha błoka, jakija padtrymlivajuć režym Nikałasa Madury. Adnym ź ich staŭ i hienierał-major Balivaryjanskaj hvardyi Manuel Kievieda, jon ź listapada 2017 hoda zajmaje pasadu ministra nafty Vieniesueły i prezidenta naftavaj kampanii Petróleos de Venezuela S.A. (PDVSA).
Akramia taho, pad sankcyi trapili čatyry ciapierašnija siłaviki: kiraŭnik Balivaryjanskaj słužby nacyjanalnaj raźviedki Manuel Fihuera, pradstaŭnik taho ž viedamstva Ildemara Mukura, kamandzir śpiecpadraździaleńnia Vieniesuelskaj nacyjanalnaj palicyi (Fuerzas de Acciones Especiales, FAES) Rafael Miendosa i kamandzir prezidenckaj hvardyi Ivan Ernandes Dała. Apošni ŭznačalvaje taksama hałoŭnaje ŭpraŭleńnie vajennaj kontrraźviedki (DGCIM).