U Mazyry na Prypiaci adarvała ad bieraha baržu-bar VIDEA
U Mazyry ad bieraha raki Prypiać u rajonie parku Pieramohi adarvała baržu-bar ź ludźmi na borcie, paviedamili ŭ MNS.
Infarmacyja pra incydent pastupiła vyratavalnikam Mazyrskaha rajonnaha padraździaleńnia MNS kala 8 ranicy.
Paśla prybyćcia vyratavalnikaŭ da miesca vykliku vyśvietliłasia, što na adlehłaści prykładna 15 m ad bieraha znachodzicca barža-bar, adzin z dvuch trasoŭ, na jakich jana trymałasia, abarvany. Na baržy znachodzilisia try čałavieki, u tym liku aficyjant. Rabotniki MNS evakujavali ŭsich na bierah pry dapamozie vyratavalnaj doški i viaroŭki.
Mužčyn ahledzieli rabotniki chutkaj dapamohi. Ratavalniki zamacavali baržu i ŭ 10.00 pryšvartavali jaje da bieraha.